leagan Gaeilge de Song Of The Yellow Bittern

An Taibhdhearc

5 Feabhra 2020 — 15 Feabhra 2020

Vincent Woods a scríobh

Tomás de Bhaldraithe & Eoghan Mac Giolla Bhríde a d’aistrigh

Maelíosa Stafford atá á léiriú

Ceol le Brendan O’Regan

Le Lochlann Ó Mearain, Tara Breathnach, Diarmuid de Faoite, Orlaith Ní Chearra, Eoin Ó Dubhghaill, Eoin Geoghegan, Eoin Mac Diarmada, Floriane Blancke, agus Conor Connolly.

Scéal grá agus scéal taibhsí é Amhrán an Bhonnáin Bhuí le Vincent Woods, atá bunaithe ar chás cáiliúil dlí a thionscain Protastúnach mná i gcoinne sagairt Chaitlicigh i 1828. Baintear macalla as an scéal agus tuigtear é in imeacht na nglúinte agus imeachtaí agus daoine ar feadh seacht nglúin a nascadh le chéile i bpobal beag tuaithe i gContae Liatroma.

Nuair a cheádléirigh Compántas Aisteoirí an Druid an dráma sa bhliain 1994, ba é a scríobh Gearóid Ó Tuathaigh faoi: “Scríobh Woods dráma corraitheach, a mbaineann tábhacht nach beag lena bhunscéal d’Éirinn na linne seo” – agus is fíor é sin chomh maith céanna in Éirinn ár linne féin.

Is áthas le An Taibhdhearc an dráma a léiriú as Gaeilge den chéad uair riamh, arb é Maelíosa Stafford, a léirigh sa bhliain 1994 é, atá á léiriú arís. Instear an scéal le cliar aisteoirí iomráite dá leithéidí Lochlann Ó Mearain, Tara Breathnach, Diarmuid de Faoite, Orlaith Ní Chearra, Eoin Ó Dubhghaill, Eoin Geoghegan agus Eoin Mac Diarmada. Is é Brendan O’Regan, atá ar thús cadhnaíochta ó thaobh cheol na hÉireann de le 30 bliain anuas, a scríobh an ceol, agus is iad an cláirseoir, an fidléir, an pianadóir agus an t-amhránaí iomráite Floriane Blancke agus Ceoltóir Óg TG4 na bliana, Conor Connolly, atá ag seinnt an cheoil. Beidh fotheidil ar fáil ar dhá scáileán agus is iad Tomás de Bhaldraithe agus Eoghan Mac Giolla Bhríde a d’aistrigh.

Is é a dúirt Cathaoirleach na Taibhdheirce, Aodh Ó Coileáin, i dtaobh an dráma: “Is mórléiriú d’Amharclann Náisiúnta Ghaeilge na hÉireann é an dráma seo, ina bhfuil cuid de na haisteoirí is fearr dá bhfuil againn in Éirinn faoi láthair.  Tá príomhcheoltóirí agus príomhdhearthóirí na tíre faoi láthair ag obair ar an léiriú i láthair na huaire agus is áthas le An Taibhdhearc a bheith in ann fostaíocht a chur ar fáil do na daoine tréitheacha seo.  Fearacht Billie Whitelaw nó Barry McGovern le déanaí, a meastar gurb iad is fearr a léiríonn drámaí Samuel Beckett, is iontach an obair a dhéanann an léiritheoir Maelíosa Stafford agus an drámadóir Vincent Woods le chéile.  Rinne Maelíosa céadléiriú ar dhá dhráma de chuid Woods in Amharclann an Druid:  At the Black Pigs Dyke agus Song of the Yellow Bittern.  Is mór is áthas le An Taibhdhearc an saothar deireanach sin a chur ar stáitse as Gaeilge den chéad uair riamh i gcathair dhátheangach na Gaillimhe.”

CREIDIÚINTÍ

Vincent Woods a scríobh

Tomás de Bhaldraithe agus Eoghan Mac Giolla Bhríde a d’aistrigh

Maelíosa Stafford atá á léiriú

Ceol le Brendan O’Regan

Le Lochlann Ó Mearain, Tara Breathnach, Diarmuid de Faoite, Orlaith Ní Chearra, Eoin Ó Dubhghaill, Eoin Geoghegan, Eoin Mac Diarmada Floriane Blancke agus Conor Connolly.

EOLAS FAOIN LÉIRIÚ

An Taibhdhearc, 19 An tSráid Láir, Gaillimh

Léiriúcháin: 8pm gach lá (seachas Dé Domhnaigh an 9ú lá & Dé Luain an 10ú lá)

€22/€20

Plé iarléiriúcháin, Dé Céadaoin an 12ú lá

Léiriúcháin scoile 10am an 7 Feabhra agus an 12 Feabhra – mic léinn €14, múinteoirí saor in aisce. Déan teagmháil leis an díoloifig ar 091 562024 chun áirithint ghrúpa a dhéanamh.

Fad: 2uair 15 nóim

Is féidir ticéid a cheannach anseo nó 091 562024

Is féidir eolas breise a fháil tuilleadh ach teagmháil a dhéanamh le Stephanie Dickenson stephaniedickenson12@nullgmail.com | 087 993 7650