Glaoch Oscailte
Tá Fibín sa Taibhdhearc i gcomhpháirt le Comhlacht Cultúir na Gaillimhe ag lorg iarratas ó ealaíontóirí chun “Scéal na Gaillimhe” a insint.
Tugann Fíbín sa Taibhdhearc cuireadh d’ealaíontóirí, do thaibheoirí, do dhéantóirí, do dhearthóirí, agus do dhaoine cruthaitheacha ó Chathair agus Chontae na Gaillimhe, atá ag obair trí mhéan na Gaeilge, páirt a ghlacadh i dtogra spreagúil a dhéanann ceiliúradh ar saibhreas cultúrtha na Gaillimhe. Tá an glaoch oscailte seo ag lorg iarratas nuálacha agus éagsúla do phíosa oibre 10 nóiméad a bhéas mar chuid de “Scéal na Gaillimhe ”. Is togra faoi leith é seo a bhfuil sé mar aidhm aige oidhreacht chultúrtha, stairiúil agus ealaíne na Gaillimhe a léiriú trí súile na n-ealaíontóirí áitiúla.
“Tugann an téama, “Scéal na Gaillimhe”, cuireadh d’ealaíontóirí proifisiúnta atá ag obair trí Ghaeilge, a ndearcadh féin faoi scéal na cathrach agus an chontae a chur in iúl. Ba bhreá linn dá roinnfeadh daoine cruthaitheacha linn na nithe a mhothaíonn siad faoi Ghaillimh. D’fhéadfadh siad machnamh a dhéanamh ar stair na cathrach, ar an éagsúlacht chultúrtha, nó ar ghné ar bith atá spéis acu ann”, arsa Pearse Doherty, an léiritheoir.
Roghnóidh Fíbín sa Taibhdhearc 6-8 tionscadal, ag tógáil sa áireamh féidearthacht, an fhís chruthaitheach agus méid. Léireofar na saothair seo sna ceantair arb as na healaíontóirí, le go scaipfear iad ar fud na Cathrach agus an Chontae. Mar thoradh ar an obair seo, déanfar mór thogra comhoibríoch a léiriú i mí Aibreáin 2024.
Ba cheart tograí do “Scéal na Gaillimhe” a chur faoi bhráid eolas@fibin.com roimh an spriocdháta, 15/12/23. Ba cheart go dtabharfaí cur síos gairid san iarratas ar aidhm an tionscadail, an ceantar lena mbaineann sé agus ar aon riachtanais speisialta a ghabhann leis.
Deir an Stiúrthóir Cruthaitheach, Darach Ó Tuairisg go bhfuil cleachtadh láidir ag Fíbín a bheith ag obair le chuile chineál duine cruthaitheach. “Tá tuiscint ag Fíbín ar an tábhacht atá le deis a thabhairt d’ealaíontóirí iad féin a chur in iúl. Tá ríméad orainn a bheith ag obair le Comhlacht Cultúir na Gaillimhe ar an togra seo, a thugann deis faoi leith d’ealaíontóirí a scéal a insint trí mheán a gcuid cruthaitheachta féin. Táim ag tnúth go mór na smaointe éagsúla a fheiceáil don tionscadal seo. Is deis álainn í seo chun saibhreas ealaíne na Gaillimhe a cheiliúradh agus spiorad cruthaitheach ár gcathair agus ár gcontae a chur os comhair an phobail.”
Tacaíonn Comhlacht Cultúir na Gaillimhe leis an nglaoch oscailte agus leis an tionscadal. Faigheann Comhlacht Cultúir na Gaillimhe tacaíocht ó Rialtas na hÉireann faoin bPlean Forbartha Náisiúnta tríd an Roinn Turasóireachta, Cultúir, Ealaíon, Gaeltachta, Spóirt agus Meán.
Chun fiosrúcháin nó eolas breise a fháil, déan teagmháil le eolas@fibin.com
Ceisteanna Coitianta
Cén cuspóir atá ag Scéal na Gaillimhe ?
Tugann Scéal na Gaillimhe cuireadh duit scéalaíocht na cathrach agus an chontae a iniúchadh ó do dhearcadh pearsanta féin. Cibé acu ealaíontóir, taibheoir, déantóir nó dearthóir thú, molaimid duit do léirmhíniú ar cad is brí le Gaillimh duit féin a roinnt linn. Is féidir leat do phíosa a dhéanamh ar stair na cathrach, ar éagsúlacht chultúrtha, nó ar ghné ar bith a thagann aniar aduaidh ort.
Cé atá incháilithe chun iarratas a dhéanamh?
Tá an gradam oscailte d'ealaíontóirí / taibheoir/ déantóir / nó dearthóir atá ag obair i ngach foirm ealaíne agus ag gach céim ina ngairmeacha proifisiúnta. Le bheith incháilithe chun iarratas a dhéanamh ní mór d'iarratasóirí:
● Bí ag obair trí mheán na Gaeilge
● Ealaíontóir cleachtach gairmiúil - ní gá go dtuilltear ioncam ó na healaíona amháin nó go leanúnach, ach ní mór d'iarratasóirí iad féin a shainaithint agus a bheith aitheanta ag a bpiaraí mar ealaíontóir gairmiúil.
● A bheith i do chónaí i gContae /i gCathair na Gaillimhe.
● Caithfear an saothar ar fad a chur i láthair nó a léiriú taobh amuigh - iarrfar ar gach ealaíontóir a bpíosa a chur i láthair ina gceantar féin ag deireadh mhí an Mhárta nó ag tús mhí Aibreáin agus ansin a bheith mar chuid de chur i láthair níos mó ar an tSráid Láir,Gaillimh ar an 6 Aibreán 2024
Cé mhéad is féidir liom iarratas a dhéanamh air?
Féadfaidh iarratasóirí iarratas a dhéanamh suas le € 10,000. Más ealaíontóir faoi mhíchumas thú, is féidir costais bhreise a bhaineann le do mhíchumas agus don togra a cur i láthair a chur san áireamh.
Cén t-ábhar tacaíochta nach mór dom a chur san áireamh chun a bheith incháilithe le haghaidh measúnaithe don deontas seo?
Le bheith incháilithe le haghaidh measúnaithe ní mór duit an t-ábhar tacaíochta seo a leanas a chur isteach:
● CV mionsonraithe agus suas chun dáta
● Doiciméadú nó samplaí de do chleachtas ealaíne - Chomh maith leis an ábhar tacaíochta riachtanach atá liostaithe thuas, féadfaidh tú aon ábhar eile a mheasann tú a bhaineann le d'iarratas a chur isteach freisin.
● Mura gcuireann tú an t-ábhar tacaíochta riachtanach isteach, ní bheimid in ann measúnú a dhéanamh ar d'iarratas agus measfar é mar neamh-incháilithe.
An bhfuil orm Polasaí um Chosaint & Leas Leanaí a chur isteach le m'iarratas?
● Má tá sé ar intinn agat a bheith ag obair nó i dteagmháil le leanaí nó le daoine óga mar chuid de do thogra beidh ort polasaí um Chosaint agus Leas Leanaí a chur isteach. Chun treoirlínte a fháil maidir le polasaí a dhréachtú logáil isteach ar www.tusla.ie.
● Tabhair faoi deara: ní mór d'iarratais a bhfuil daoine óga páirteach iontu, díriú ar chleachtas ealaíon idirghlúine, ar na healaíona agus ar shláinte, ar na healaíona agus ar mhíchumas, nó ar chleachtas ealaíon idirchultúrtha. Más mian leat oibriú le daoine óga i gcomhthéacsanna eile, féach ar na scéimeanna atá á mbainistiú ag an bhfoireann Daoine Óga, Leanaí agus Oideachais (YPCE) ag an gComhairle Ealaíon.
Cathain a bheidh an spriocdháta d’iarratais?
● 15 Nollaig 2023
Cathain atá an fógra faoi cé ar bronnadh an maoiniú ?
● 15 Eanáir 2024
Cá bhfaighidh mé tuilleadh eolais faoin bpróiseas iarratais ar líne?