Siobhán Nic Fhlannchadha

Cathaoirleach

Tá an Dr Siobhán Nic Fhlannchadha ina Bainisteoir Tionscadail ar Think Again, scéim scoláireachta do mhná i gColáiste Ollscoile Baile Átha Cliath. Bronnadh PhD sa tSíceolaíocht ar an Dr Nic Fhlannchadha ó Choláiste Ollscoile Baile Átha Cliath i 2016, le maoiniú ó COGG (An Chomhairle um Oideachas Gaeltachta agus Gaelscolaíochta). Tá sí ar Bhord Stiúrthóirí An Taibhdhearc le cúig bliain, agus chaith sí trí bliana mar Rúnaí.

Tógadh i nGaillimh í agus chaith sí tréimhsí fada sa Taibhdhearc agus í ina déagóir. Ba bhall í do Na Crosáin, Amharclann Óige na Taibhdhearc. Bhí sí ina Reachtaire ar Cumann Drámaíochta Coláiste Ollscoile Baile Átha Cliath ar feadh dhá bhliain. Tá cónaí uirthi anois i gCill Mhantáin agus tá páiste amháin aici.

Áine Ní Éalaí

Leas Chathaoirleach

Is as Cois Fharraige í Áine. Tá cúlra aici sna hEalaíona agus Dlí an Chearta Daonna. Tá cónaí uirthi anois i gCorca Dhuibhne áit a bhfuil sí ina Bainisteoir Ginearálta leis an gcompántas rince amharclainne Teaċ Daṁsa

Foilsíodh filíocht léi le déanaí i gcnuasach ó Oidhreacht Chorca Dhuibhne agus Arlen House. Tá spéis faoi leith aici i scríobh na drámaíochta Gaeilge agus duaiseanna bainte amach ag a saothar ealaíne ó Choláiste na hOllscoile Corcaigh, ón Oireachtas agus ón gComhlachas Náisiúnta Drámaíochta.

Tá sí mar chomhalta boird ar an Taibhdhearc ó 2020.

Susan Folan

Rúnaí

Is as cathair na Gaillimhe, ó dhúchas de Susan Folan atá ag obair in Ollscoil na Gaillimhe ó 2008. Tá sí ar dhuine den bheagán daoine atá cáilithe agus creidiúnaithe mar ateangaire gairmiúil le Gaeilge agus bíonn sí ag obair go rialta in institiúidí an Aontais Eorpaigh. Is ball í d’Acadamh na dTeagascóirí de chuid an Choimisiún Eorpaigh agus rinne sí an chéad scrúdú creidiúnaithe d’ateangairí a dhearadh agus a reáchtáil do Thithe an Oireachtais i 2020. Roimh di dul leis an saol acadúil fostaíodh Susan mar fheidhmeannach forbartha don CONCOS: Comhchoiste Náisiúnta na gColáistí Samhraidh, Cónaidhm de 47 Coláiste Samhraidh. Tá saineolas aici ar an tumoideachas i dteangacha mionlaigh chomh maith le hoiliúint agus measúnú na hateangaireachta.

Tara Breathnach

Is aisteoir í Tara a d'fhreastail ar The Royal Welah College of Music and Drama agus An Gaitey i mBaile Átha Cliath. Oibríonn sí ar stáitse agus ar an scáileán. I measc na léiriúcháin stáitse inar ghlac sí róil iontu tá :'Dancing at Lughnasa' leis an Blue Teapot Theatre, 'Walking to the Ark', Derry Playhouse, 'Amhráin an Bhonnáin Bhuí 'An Taibhdhearc, agus 'Sruth na Teanga' Branar. Léirigh sí agus chuaigh sí ar chamchuairt lena seó aonarach 'Molly' bunaithe ar Ulysses. D'oibrigh sí freisin leis an Donmar Warehouse, Fíbín, Aisling Ghéar, Focus Theatre,Druid agus an Lyric. Fuair sí ainmniúchán IFTA agus Gradam Bingham Ray don ról a rinne sí sa scannán 'A Nightingale Falling' agus fuair sí duaiseanna Gradam Chumarsáide an Oireachtais don aisteoir is fearr as a cuid oibre ar an scannán 'Maidhm' agus a ról i 'Ros na Rún'. Ghlac sí ról sa ghearrscannán Detainment a bhí ainmnithe do na Oscars i 2019. I measc na cláir eile atá déanta aici tá: Jack Taylor, Holby City, The Last Days of Anne Boleyn, The Tudors, Murdair Mhaum Trasna, Na Cloigne agus Foscadh. I mbliana thaifead sí an scannán Fréwaka agus an sraith theilifíse Borderline. Beidh sí le feiceáil sa scannán 'Dune:Halfway' i 2024.

Deirbhile Ní Churraighín

Is as Teileann in iardheisceart Dhún na nGall í Deirbhile Ní Churraighín.

Thosaigh sí a saol drámaíochta le Aisteoirí Theileann sular bhog sí go TG4 i 1996 áit a raibh sí ina láithreoir teilifíse ar feadh an chead sé bliana.

Ina dhiaidh sin, b’í an príomh ceannaitheoir do TG4, ag roghnú scannáin, sraitheanna drámaíochta agus cláir faisnéise don chainéil.

Anois is í an eagarthóir coimisiúnaithe i gceannas ar dhrámaíocht. Faoina cúram tá Cine4, Ros na Rún agus sraitheanna drámaíochta éagsúla.

Bhí sí ina cathaoirleach ar bhord na Taibhdheirce ó 2020 go dtí 2024